Yr ymddiriedolaeth a elwid gynt yn….

Bydd ymddiriedolwyr a staff Parc yr Esgob yn defnyddio’r enw “Ymddiriedolaeth Parc yr Esgob” o fis Ebrill 2026 ymlaen fel enw gweithredol cyhoeddus yr elusen, er y bydd The Tywi Gateway Trust yn parhau fel ein teitl cofrestredig cyfreithiol.

Esboniodd Betsan Caldwell, Cadeirydd y Bwrdd “Roeddem eisiau gwella adnabyddiad o enw Parc yr Esgob a’r ymddiriedolaeth sy’n gofalu amdano ymysg ymwelwyr, partneriaid ac eraill. Mae’r enw newydd yn cyd-fynd lawer gwell â’n cenhadaeth ac yn osgoi dryswch.”

Ni fydd y newid yn effeithio ar ein cyfansoddiad na gwybodaeth masnachu, ond bydd deunydd marchnata, safleoedd cyfryngau cymdeithasol a chyfeiriadau e-byst staff yn defnyddio’r enw gweithredol newydd.