Adferiad yr Ardd Furiog 2025-2027
Sylwch nad yw’r Ardd Furiog ar agor i’r cyhoedd ar hyn o bryd oherwydd y gwaith adfer. Byddwn yn cyhoeddi diwrnodau agored cyhoeddus yn y dyfodol yma.
Mae gardd furiog anghofiedig yn Abergwili a oedd unwaith wrth galon ystâd esgob, am flodeuo eto diolch i grant o £1.2 miliwn gan Gronfa Dreftadaeth y Loteri Genedlaethol. Ond nid y brics, y tai gwydr na’r berllan hynafol yn unig sy’n cael eu hadfywio, ond atgofion y bobl a fu’n byw, gweithio a thyfu yno.
Mae Ymddiriedolaeth Drws i’r Dyffryn, sy’n gyfrifol am adferiad Parc yr Esgob ers 2017, yn rhoi’r straeon personol hyn wrth wraidd prosiect newydd uchelgeisiol 30 mis yn yr Ardd Furiog. Yn ogystal ag ailadeiladu tri thŷ gwydr hanesyddol a bwthyn y garddwr, bydd yr adferiad gofalus hwn yn creu cyfleusterau aml-bwrpas ar gyfer dysgu, hyfforddiant, adferiad iechyd, lles a digwyddiadau dathlu. Bydd y prosiect hefyd yn adrodd a bywiogi straeon y rhai a oedd unwaith yn byw ac yn gweithio yno.
Nid adferiad yn unig yw hwn – mae’n sgwrs ar draws cenedlaethau. Mae’n ymwneud â dysgu o’r gorffennol tra’n creu rhywbeth ystyrlon ar gyfer y presennol. Rydyn ni eisiau i ymwelwyr a gwirfoddolwyr oll deimlo cysylltiad personol â’r lle hwn, ac i dynnu ysbrydoliaeth a phrofiadau ohono a all eu helpu yn eu bywydau bob dydd.
Mae hygyrchedd, cynhwysiant a lles yn allweddol i’n cenhadaeth. Rydym yn arbennig o awyddus i groesawu pobl nad ydynt wedi cael eu gwasanaethu’n dda gan dreftadaeth.
Bydd yr ardd wedi’i hadfer yn cynnal dathliadau cymunedol, gweithgareddau addysgol, a pherfformiadau cyhoeddus, pob un wedi’i lunio gan atgofion byw’r rhai sydd wedi cerdded ei llwybrau o’r blaen.
Bydd rhaglen hyfforddi garddwriaethol newydd yn parhau’r traddodiad adrodd straeon. Bydd garddwyr ifanc sy’n rhan o’r prosiect yn rhannu eu profiadau, gan ychwanegu lleisiau newydd at etifeddiaeth esblygol yr ardd.
Mae prosiect yr Ardd Furiog hefyd yn derbyn arian cyfatebol o £300,000 gan Raglen Cyfleusterau Cymunedol Llywodraeth Cymru, £150,000 gan Sefydliad Garfield Weston, £100,000 gan ddyngarwr treftadaeth yng Nghymru a £20,000 gan Ymddiriedolaeth Pilgrim, yn ogystal â chyllid cyfatebol gwerthfawr o gyfranogiad gwirfoddolwyr. Yn ei gyfanswm, mae’r prosiect yn werth tua £2 miliwn.
Cyflwyno Penseiri Adferiad yr Ardd Furiog – Gweler y Fideo yma https://youtu.be/DzDUKVSMEwE
Rydym yn dal i allu trefnu teithiau o amgylch yr ardd furiog i grwpiau, ond o fis Medi 2025 i fis Ebrill 2027, bydd y rhain yn “deithiau het galed” h.y. teithiau o amgylch gwaith adeiladu sydd ar y gweill gyda phwyslais cryf ar ddiogelwch.
Mae’n Swyddog Ymgysylltu Anne May yn hapus i drafod y gweithgareddau y gallwn eu darparu i grwpiau. Anfonwch e-bost at Anne.
Adferiad yr Ardd Furiog 2025-2027
Sylwch nad yw’r Ardd Furiog ar agor i’r cyhoedd ar hyn o bryd oherwydd y gwaith adfer. Byddwn yn cyhoeddi diwrnodau agored cyhoeddus yn y dyfodol yma.
Mae gardd furiog anghofiedig yn Abergwili a oedd unwaith wrth galon ystâd esgob, am flodeuo eto diolch i grant o £1.2 miliwn gan Gronfa Dreftadaeth y Loteri Genedlaethol. Ond nid y brics, y tai gwydr na’r berllan hynafol yn unig sy’n cael eu hadfywio, ond atgofion y bobl a fu’n byw, gweithio a thyfu yno.
Mae Ymddiriedolaeth Drws i’r Dyffryn, sy’n gyfrifol am adferiad Parc yr Esgob ers 2017, yn rhoi’r straeon personol hyn wrth wraidd prosiect newydd uchelgeisiol 30 mis yn yr Ardd Furiog. Yn ogystal ag ailadeiladu tri thŷ gwydr hanesyddol a bwthyn y garddwr, bydd yr adferiad gofalus hwn yn creu cyfleusterau aml-bwrpas ar gyfer dysgu, hyfforddiant, adferiad iechyd, lles a digwyddiadau dathlu. Bydd y prosiect hefyd yn adrodd a bywiogi straeon y rhai a oedd unwaith yn byw ac yn gweithio yno.
Nid adferiad yn unig yw hwn – mae’n sgwrs ar draws cenedlaethau. Mae’n ymwneud â dysgu o’r gorffennol tra’n creu rhywbeth ystyrlon ar gyfer y presennol. Rydyn ni eisiau i ymwelwyr a gwirfoddolwyr oll deimlo cysylltiad personol â’r lle hwn, ac i dynnu ysbrydoliaeth a phrofiadau ohono a all eu helpu yn eu bywydau bob dydd.
Mae hygyrchedd, cynhwysiant a lles yn allweddol i’n cenhadaeth. Rydym yn arbennig o awyddus i groesawu pobl nad ydynt wedi cael eu gwasanaethu’n dda gan dreftadaeth.
Bydd yr ardd wedi’i hadfer yn cynnal dathliadau cymunedol, gweithgareddau addysgol, a pherfformiadau cyhoeddus, pob un wedi’i lunio gan atgofion byw’r rhai sydd wedi cerdded ei llwybrau o’r blaen.
Bydd rhaglen hyfforddi garddwriaethol newydd yn parhau’r traddodiad adrodd straeon. Bydd garddwyr ifanc sy’n rhan o’r prosiect yn rhannu eu profiadau, gan ychwanegu lleisiau newydd at etifeddiaeth esblygol yr ardd.
Mae prosiect yr Ardd Furiog hefyd yn derbyn arian cyfatebol o £300,000 gan Raglen Cyfleusterau Cymunedol Llywodraeth Cymru, £150,000 gan Sefydliad Garfield Weston, £100,000 gan ddyngarwr treftadaeth yng Nghymru a £20,000 gan Ymddiriedolaeth Pilgrim, yn ogystal â chyllid cyfatebol gwerthfawr o gyfranogiad gwirfoddolwyr. Yn ei gyfanswm, mae’r prosiect yn werth tua £2 miliwn.
Cyflwyno Penseiri Adferiad yr Ardd Furiog – Gweler y Fideo yma https://youtu.be/DzDUKVSMEwE
Rydym yn dal i allu trefnu teithiau o amgylch yr ardd furiog i grwpiau, ond o fis Medi 2025 i fis Ebrill 2027, bydd y rhain yn “deithiau het galed” h.y. teithiau o amgylch gwaith adeiladu sydd ar y gweill gyda phwyslais cryf ar ddiogelwch.
Mae’n Swyddog Ymgysylltu Anne May yn hapus i drafod y gweithgareddau y gallwn eu darparu i grwpiau. Anfonwch e-bost at Anne.