Arolygu’r Ardd Gegin Furiog

Cwblhawyd ein gwaith arolygu ar y safle yn ddiweddar wrth i Ymddiriedolaeth Archaeolegol Dyfed archwilio’r ardd gegin furiog a’r Ddôl Fawr. Mae’n mynd i fod yn ddiddorol ac yn ddifyr darganfod hanes a chyfrinachau’r safle a ddatgelir gan y gwaith arolygu.

Mae’r berllan yn yr ardd furiog yn dechrau blodeuo’n araf ac yn edrych yn wych ar y boreau gwanwyn heulog hyn. Yn yr hydref y llynedd, nid oedd yn amlwg o’r ffrwythau p’un a oedd y coed afalau i gyd yr un fath, ond mae blodau’r gwanwyn eleni yn dangos bod gwahanol fathau yn yr ardd.