Lliwiau’r Hydref

Mae’n sicr bod naws oer yn yr awyr y peth cyntaf y bore ‘ma ac wrth i’r tymor newid a’r tir ddechrau troi i liwiau’r hydref, mae gwiwerod ym mhobman wrthi’n casglu ac yn cuddio bwyd yn barod ar gyfer y gaeaf sydd i ddod.

Yn ogystal, mae digon o wahanol fathau o ffyngau ar hyd y lle, sy’n haws tynnu ffotograffau ohonynt gan nad ydynt yn symud o gwmpas llawer. Nid oes diwrnod yn mynd heibio heb i wahanol fath ymddangos ar hyd y parc. Os byddwch yn dod o hyd i rai, gadewch nhw lle maen nhw er mwyn i bobl eraill eu mwynhau. Efallai y gallech anfon ffotograff o’r hyn a ganfuoch a byddwn yn ei roi ar ein tudalen Facebook.