Pwll yr Esgob

Bu’n wythnos wych ym Mharc yr Esgob. Mae mwy a mwy o liw ar y tir wrth i’r rhododendronau flodeuo ac mae’r lilïau’r dŵr a fydd yn gorchuddio’r pwll â’u blodau melyn yn dechrau ymddangos. Mae’r parc yn lle mor wych i weithio, nid dim ond oherwydd y planhigion ond hefyd y bywyd gwyllt; glaniodd crehyrod yn y cyrs yn fuan ar ôl i’r llun hwn gael ei dynnu ac fe’n gwyliwyd yn cerdded yn ôl i’r plas gan bâr o farcudiaid a oedd yn cylchu’r lawnt ddwyreiniol. O ystyried hynny ynghyd â’r gwenoliaid duon sydd wedi dechrau hedfan o amgylch y plas, mae rhywbeth rhyfeddol i’w weld bob amser.