Wrth i ni gerdded trwy’r parc i gynnal yr arolwg coed ar ddiwrnod a roddodd saib byr o’r glaw, daethom ar draws y goeden geirios unigol hon yn ei blodau – mae’r gwanwyn yn sicr o fod ar y gorwel.

Roedd heddiw’n ddiwrnod diddorol iawn ar y safle wrth i’r coed yn y parc gael eu hasesu am unrhyw broblemau iechyd. Cododd gynifer o ffeithiau diddorol o’r diwrnod – cadwch lygad am gyhoeddiadau yn y dyfodol ar ein coed godidog.  

Wrth i storm ddiweddaraf y gaeaf sgubo dros y safle, roedd y Ddôl Fawr o dan ddŵr unwaith eto. Fodd bynnag, roedd y dŵr mor ddwfn y tro hwn fel iddo fynd dros yr ‘ha-ha’ dros nos a gorlifo ar draws rhan o’r tir isaf a’r llwybrau cylchdro. Roedd y dŵr wedi cilio erbyn toriad …

Yr wythnos hon, er mwyn dod i adnabod ein safle’n well a gwneud yn siwr bod ein prosiect adfer yn cefnogi bywyd gwyllt yn ogystal â phlanhigion, rydym ni wedi bod yn brysur yn cynnal arolwg ystlumod ar y tir. Aseswyd mannau lle y gallai ystlumod glwydo, boed hynny’n ystafell y boeler yn y tŷ …

Heddiw, mae’r gaeaf wedi dod â’r rhew caled cyntaf i’r parc, sy’n rhyddhad ar ôl yr holl law. Wrth i’r haul godi a’r awyr droi’n las llachar, roedd y tir yn disgleirio yn yr heulwen gan ddenu llawer o bobl allan, gyda’u camerâu yn barod, i fynd am dro iachusol o amgylch y tir.

Heddiw, mae’n bleser gennym gyhoeddi derbyn grant gan Ymddiriedolaeth Laspen tuag at ddatblygu’n prosiect.

Ar ôl stormydd anhygoel y diwrnodau diwethaf, bu’n amhosibl gwahaniaethu rhwng y Ddôl Fawr a Phwll yr Esgob. Am oddeutu canol dydd heddiw, wrth i’r afon gyrraedd y llanw uchel, roedd hi’n rhyfeddol gwylio pa mor gyflym llenwodd y dŵr y ddôl gan dynnu sylw at rai o’r hen gyrsiau afon nad oes modd eu …

Mae’r gwaith mesur ar y safle wedi dechrau. Heddiw, dechreuodd Ymddiriedolaeth Archaeolegol Dyfed eu harolwg o dopograffi. Bydd hwn yn mapio amlinellau’r tir; yn ei hanfod ei lympiau a’i dalpiau, er mwyn helpu darganfod oes gweddillion unrhyw strwythurau pwysig yn dal i fodoli islaw’r tir. Mae dechrau’r gwaith mesur wedi cyd-daro â dyfodiad y tywydd …