Taith Nodi Bywyd Gwyllt 20fed Rhagfyr 2022
Roedd taith mis Rhagfyr yn un eithaf byr oherwydd cyfyngiadau amser wrth i’r Nadolig agosáu. Er hyn ni rwystrodd hyn y nifer o rywogaethau o adar a chlywyd a gwelwyd wrth gerdded o amgylch y Parc.
Wrth i ni adael Gardd Jenkinson, lle’r oedd y bylbiau’r gwanwyn yn pipio trwyddo, fe welwyd barcud coch wrth ein pennau. Wrth i ni droi i mewn at lwybr y coedir, fe welwyd mwyalchen benyw yng nghyd a nifer o ditw tomos las. Wrth gerdded uwchben yr ardd a goedir sylwyd ar nifer o ysguthaniaid, bwncath yn esgyn yn fry uwchben y Waun Fawr ac asgell fraith, yng nghyd a robin goch a oedd i’w gweld yn ein dilyn.
Roedd Pwll Yr Esgob yn nôl i’w gynhwysedd arferol. Gwelwyd iâr y dŵr a dwy hwyaden wyllt wrywaidd. Fe roddwyd gwybod i ni yn ystod yr wythnos flaenorol ein bod wedi cael ymwelydd o Ogledd America ar y pwll – hwyaden dorgoch benyw a oedd yma yng nghyd a grŵp o hwyaid gopog. Yn anffodus, ni chafodd y staff na’r gwirfoddolwyr y cyfle i’w gweld. Roedd y Waun Fawr, er yn wlyb o dan droed, dal yn ddigon cadarn i’w gerdded ac ychydig iawn o ddŵr oedd yn yr ha-ha. Mae gallu edrych yn ôl ar y parcdir o’r cae yn rhoi cyfle i ni asesu canopi’r coed ac i sylwi ar y bywyd gwyllt, enwedig yr adar, yr ydym fethu eu gweld o’r llwybrau. Roedd y coed collddail wedi gollwng eu dail i gyd erbyn hyn, ond am ambell i ffawydden oedd dal ag ambell i ddeilen yn glynu wrth ei brigau. Roedd rhan fwyaf o’r aeron wedi mynd, ond roedd dal peth i’w gweld ar y celyn fraith ac egroes ar hyd y ffens wrth ochr y pwll. Roedd titw mawr, coch y berllan ac adar du yn bwydo ar rain. Wrth gerdded ar hyd yr ha-ha welsom a chlywsom brith y coed, dryw ac roedd hefyd llwyth o wybed mân dros yr ha-ha!
Wrth gerdded nôl ar hyd y llwybr isaf, nodwyd fod yna dal dipyn o ffwng diddorol ar foncyffion y coed sydd wedi eu torri neu gwympo.
Gorffennwyd y daith yn yr ardd furiog lle gwelsom sawl robin goch ac adar du yn gwledda ar yr afalau cwymp a’r compost ffres ar y gwlâu. Tra oeddwn yno, fe welwyd grŵp o fran yn ymosod ar fwncath wrth ben y Waun Fawr ac fe wnaeth grŵp o 3 gŵydd Canada hedfan drosodd.
Taith Nodi Bywyd Gwyllt Rhagfyr 2022
Posted: 10/01/2023 by Ffiona Jones
Taith Nodi Bywyd Gwyllt 20fed Rhagfyr 2022
Roedd taith mis Rhagfyr yn un eithaf byr oherwydd cyfyngiadau amser wrth i’r Nadolig agosáu. Er hyn ni rwystrodd hyn y nifer o rywogaethau o adar a chlywyd a gwelwyd wrth gerdded o amgylch y Parc.
Wrth i ni adael Gardd Jenkinson, lle’r oedd y bylbiau’r gwanwyn yn pipio trwyddo, fe welwyd barcud coch wrth ein pennau. Wrth i ni droi i mewn at lwybr y coedir, fe welwyd mwyalchen benyw yng nghyd a nifer o ditw tomos las. Wrth gerdded uwchben yr ardd a goedir sylwyd ar nifer o ysguthaniaid, bwncath yn esgyn yn fry uwchben y Waun Fawr ac asgell fraith, yng nghyd a robin goch a oedd i’w gweld yn ein dilyn.
Roedd Pwll Yr Esgob yn nôl i’w gynhwysedd arferol. Gwelwyd iâr y dŵr a dwy hwyaden wyllt wrywaidd. Fe roddwyd gwybod i ni yn ystod yr wythnos flaenorol ein bod wedi cael ymwelydd o Ogledd America ar y pwll – hwyaden dorgoch benyw a oedd yma yng nghyd a grŵp o hwyaid gopog. Yn anffodus, ni chafodd y staff na’r gwirfoddolwyr y cyfle i’w gweld. Roedd y Waun Fawr, er yn wlyb o dan droed, dal yn ddigon cadarn i’w gerdded ac ychydig iawn o ddŵr oedd yn yr ha-ha. Mae gallu edrych yn ôl ar y parcdir o’r cae yn rhoi cyfle i ni asesu canopi’r coed ac i sylwi ar y bywyd gwyllt, enwedig yr adar, yr ydym fethu eu gweld o’r llwybrau. Roedd y coed collddail wedi gollwng eu dail i gyd erbyn hyn, ond am ambell i ffawydden oedd dal ag ambell i ddeilen yn glynu wrth ei brigau. Roedd rhan fwyaf o’r aeron wedi mynd, ond roedd dal peth i’w gweld ar y celyn fraith ac egroes ar hyd y ffens wrth ochr y pwll. Roedd titw mawr, coch y berllan ac adar du yn bwydo ar rain. Wrth gerdded ar hyd yr ha-ha welsom a chlywsom brith y coed, dryw ac roedd hefyd llwyth o wybed mân dros yr ha-ha!
Wrth gerdded nôl ar hyd y llwybr isaf, nodwyd fod yna dal dipyn o ffwng diddorol ar foncyffion y coed sydd wedi eu torri neu gwympo.
Gorffennwyd y daith yn yr ardd furiog lle gwelsom sawl robin goch ac adar du yn gwledda ar yr afalau cwymp a’r compost ffres ar y gwlâu. Tra oeddwn yno, fe welwyd grŵp o fran yn ymosod ar fwncath wrth ben y Waun Fawr ac fe wnaeth grŵp o 3 gŵydd Canada hedfan drosodd.
Category: Monthly Wildlife Watch, Bywyd Gwyllt